DARAKHT SE AWAAZ

DARAKHT SE AWAAZ

◆Hazrat Musa Alaihi Salam, Hazrat Shoaib Alaihi Salam Ke Paas 10 Baras Tak Rahe! Fir Hazrat Shoaib Alaihi Salam Ne Apne Sahab-Zaadi Ka Nikah Hazrat Musa Alaihi Salam Ke Sath Kerdiya! Itne Arse Ke Baad Aap Hazrat Shoaib Alaihi Salam Se Ijazat Leker Apni Walida Se Milne Keliye Misr Ki Taraf Rawana Hue! Aapki Biwi Bhi Sath Thi! Raaste May Jabki Aap Raat Ke Waqt Ek Jangal May Pahuche To Raasta Goom Hogaya! Andheri Raat Aur Sardi Ka Mausam Tha! Us Waqt Aapne Jangal May Dur Ek Chamkti Hui Aag Dekhi Aur Biwi Se Farmaya, Tum Yahin Tehro, Maine Wo Dur Aag Dekhi Hain! Main Wahin Jata Hoon Shayed Wahan Se Kuch Khaber Mile! Tumahre Taapne Keliye Kuch Aag Bhi La Sakunga!

◆Chunanche, Aap Apni Biwi Ko Wahin Baithaker Us Aag Ki Taraf Chale Aur Jab Uske Paas Pahuche To Wahan Ek Sar-Sabz Wa Shadaab Darakht (Hara-Bhara Ped) Dekha Jo Uper Se Niche Tak Nihayat Roshan Tha! Jitna Uske Kareeb Jate Wo Dur Hojata Hain! Jab Taher Jate To Wo Kareeb Hojata! Aap Is Noorani Darakht Ke Is Ajeeb Haal Ko Dekh Rahe The Ki Us Noorani Darakht Se Awaaz Aayi, Aye Musa! Main Saare Jahaanon Ka Rab ALLAH Hoon! Tum Bade Pakiza Makaam May Aagaye Ho! Apne Joote Utaar Daalo! Jo Tujhe " WAHI " Hoti Hain Kaan Lagaker Suno! Maine Tujhe Pasand Kerliya!

Ref (Quraan Kareem, Para-16, Ruku-10, Para-20, Ruku-7)

(Khazayinul Irfaan, Pg-442-549)

KHULASA

     
◆Nubuwat ALLAH Ki Ata-A-Mahaz Hain! Isme Mehnat Aur Kasab Ko Dakhal Nahi!
Yani Nubuwat Kisi Course Pura Karne Aur Mehnat Karne Se Nahi Milti Balki ALLAH Jise Chahta Tha, Is Sharf Se Musharraf Farma Deta Tha!
Jaise Musa Alaihi Salam Ko, Ki Gaye Aag Lene Aur Aaye Nubuwat Lekar!

◆Yeh Silsila Huzoor SALLALLAHU TA'ALA ALAIHI-WASALLAM Tak Jari Raha!
Fir Jo Shaks Kahe "Ehdinas-Siraatal-Mustakeem" Padhne Se Aadmi Nabi Ban Sakta Hain, Wo Kis-Qadr Jaahil Hain?

www.nabikibaatein.com