AURAT KI HAQEEQAT WIBI KE HUQOOQ

AURAT KI HAQEEQAT 

POST:-15

WIBI KE HUQOOQ 

 HIDAYAT NUMBER (7)

Mard Ko Chahiye Ki Aurat Ki Galtiyon Par Islaah Ke Liye Rok Tok Karta Rahe Kabhi Sakti Aur Gusse Ke Andaaz Mein Kabhi Muhabbat Aur Pyar Aur Hansi Khushi Ke Saath Bhi Baat Chit Kare Jo Mard har Waqt Apni Munchn Mein Danda Bandhe Firte Hai Aur Siwaye Daant Fhatkaar Aur Maar Pith Ke Apni Se Kabhi Koi Baat Hi Nahi Karte Toh Unki Biwiyan Shauharon Ki Muhabbat Se Maayus Hokar Unse Nafrat Karne Lagti Hai Aur Jo Log Har Waqt Biwiyon Ka Naam Uthate Rehte Hai Aur Biwi Lakh Galtiyan Kare Magar Fir Bhi Bhigi Billi Ki Tarha Uske Saamne Miyaa'on Miyaa'on Karte Rehte Hai Un Logon Ki Biwiyan Gustakh Aur Shokh Hokar Shauharon Ko Apni Ungliyon Par Nachati Rehti Hai! Is Liye Shauharon Ko Chahiye Ki Hazrat Shaikh S'a'di Alaihi Rehma Ke Is Kaul Par Amal Karen! 

Durushti Wa Narmi Baham Dar Beh Asat

Chu Faasid Ki Jar'raah Wa Marham Neh Asat 

Yani Sakhti Aur Narmi Dono Apne Apne Mauke Par Bahot Acchi Chiz Hai, Jaise Fasad Kholne Wala Ki Zakham Bhi Lagata Hai Aur Marham Bhi Rakh Deta Hai! Matlab Yeh Hai Ki Shauhar Ko Chahiye Ki Na Bahut Hi Kadaa Bane Na Bahut Hi Meetha Balki Sakti Aur Narmi Mauka Mauka Se Dono Par Amal Karta Rahe! 

HIDAYAT NUMBER (8)

Shauhar Ko Yeh Bhi Chahiye Ki Safar Mein Jate Waqt Apni Biwi Se Intehai Pyar Wa Muhabbat Ke Saath Hansi Khushi Se Mulaqaat Kar'ke Makaan Se Nikle! 

Aur Safar Se Wapas Hokar Kuch Na Kuch Saamaan Biwi Ke Liye Zaroor Laye! 

Kuch Na Ho Toh Kuch Khatta Meetha Hi Leta Aaye! 

Aur Biwi Se Kahe Ki Yeh Khaas Tumhare Liye Hi Laya Hun!

Shauhar Ki Is Ada Se Aurat Ka Dil Bad Jayega Aur Wah Is Khayaal Se Bahut Hi Khush Aur Magan Rahegi Ki Mere Shauhar Ko Mujh Se Aesi Muhabbat Hai Ki Wah Meri Nazron Se Gaa'ib Rehne Ke Baad Bhi Mujhe Yaad Rakhta Hai Aur Usko Mera Khayaal Laga Rehta Hai! 

Zahir Hai Ki Isse Biwi Apne Shauhar Ke Saath Kis Qadar Ziyada Muhabbat Karne Lagegi! 

         

 HIDAYAT NUMBER (9)

Aurat Agar Apne Maike Se Koi Chiz Lakar Ya Khud Banakar Pesh Kare Toh Mard Ko Chahiye Ki Agarche Wah Chiz Bilkul Hi Ghatiya Darze Ki Ho Magar Us Par Khushi Ka Izhaar Kare! 

Aur Nihaayat Hi Tapaak Aur Intehai Chah Ke Saath Usko Kabool Kare! 

Aur Chand Alfaaz Tarif Ke Bhi Aurat Ke Saamne Keh De Taaki Aurat Ka Dil Bad Jaye Aur Uska Hausla Buland Ho Jaye

 Khabardaar Khabardaar Aurat Ke Pesh Kiye Hue Toh'fon Ko Kabhi Hargiz Hargiz Na Thukraye Na Usko Hakir Bataye Na Usmein Aeb Nikale Warna Aurat Ka Dil Tut Jayega Aur Uska Hausla Past Ho Jayega!

Yaad Rakho Ki Tuta Hua Shisha Toh Joda Ja Sakta Hai Magar Tuta Hua Dil Badi Mushkil Se Jud'ta Hai Aur Jis Tarha Shisha Jud Jane Ke Baad Bhi Uska Daag Nahi Mit'ta Usi Tarha Tuta Hua Dil Jud Jaye Fir Bhi Dil Mein Daag Dhabba Baki Hi Reh Jata hai!                                  

          

 HIDAYAT NUMBER (10)

Aurat Agar Bimaar Ho Jaye Toh Shauhar Ka Yeh Akhlaaki Fariza Hai Ki Aurat Ki Gamkhawari Aur Timaardaari Mein Hargiz Hargiz Koi Kotahi Na Kare Balki Apni Dildaari Wa Dil'jui Aur Bhaag Daud Se Aurat Ke Dil Par Yeh Naksh Bitha De Ki Mere Shauhar Ko Mujhse Behad Muhabbat Hai Aur Wah Bhi Shauhar Ki Khidmat Guzari Mein Apni Jaan Lada Degi

HIDAYAT NUMBER (11)

Shauhar Ko Chahiye Ki Apni Biwi Par Aetemaad Aur Bharosa Kare Aur Gharelu Mu'aam'laat Uske Sapurd Karde Taki Biwi Apni Haisiyat Ko Pehchane Aur Uska Wakaar Usmein Khud Aetimaadi Paida Kare Aur Wah Nihaayat Hi Dil Chaspi Aur Koshish Ke Saath Gharelu Mu'aam'laat Ke Intezaam Ko Sambhale! 

Rasool Allah ﷺ Ne Farmaya Hai Ki Aurat Apne Shauhar Ke Ghar Ki Nigron Aur Muhaafiz Hai Aur Is Mu'aamle Mein Aurat Se Qiyamat Mein Khuda Wande Kuddus Puch Tach Farmayega!

Biwi Par Aetemaad Karne Se Yeh Faida Hoga Ki Wah Apne Aapko Ghar Ke Intezaami Mu'aam'laat Mein Ek Hisse Ki Jimmedar Khayaal Karegi Aur Shauhar Ko Badi Had Tak Gharelu Ba'khe'don Se Najaat Mil Jayegi Aur Sukoon Wa Itminaan Ki Zindagi Naseeb Hogi 

Ref ( Jannati Zevar  Page No41/42/43 )

👉N͢E͢X͢T͢ P͢O͢S͢T͢ I͢N͢S͢H͢A͢ A͢L͢L͢A͢H͢🔜

♡⌒♡⌒♡⌒♡⌒♡⌒♡⌒♡⌒♡⌒♡

🍀Allah ﻋﺰﻭﺟﻞ Aap par Fazl farmaye !

♡♡♡♡♡♡♡♡

جزاك الله خيرا... For reading

♡♡♡♡♡♡♡♡

اَشْهَدُ اَنْ لَّآ اِلٰهَ اِلَّا اللہُ وَحْدَهٗ لَا شَرِيْكَ لَهٗ وَ اَشْهَدُ اَنَّ مُحَمَّدً اعَبْدُهٗ وَرَسُوْلُه

♡♡♡♡♡♡♡♡

﹏﹏﹏﹏﹏﹏﹏﹏﹏﹏﹏﹏﹏﹏﹏﹏﹏

👥PLZ SHARE TO OTHERS ALSO👥

📧Like TO FB LINK

https://www.facebook.com/zikrenabi/

🌎www.zikr-e-nabi.com

🌎www.zikr-e-rasool.com 

Download App http://goo.gl/x7SwOb