HAR EK MUSALMAN KO JANNA CHAHIYE, ISLAMI MALOOMAT.

HAR EK MUSALMAN KO JANNA CHAHIYE, ISLAMI MALOOMAT.


SAWAL: Huzoor Akram (Sallallahu Alaihi Wasallam) ki "QABR" e Mubarak kisne khodi unke kya Naam hain?

JAWAB: Madeenah Munawwara me 2 Shakhs "QABR" khodne wale the, Ek Hazrat Abu Ubaidah Bin Al Jaraah RadiAllahu Anhu Aur doosre Hazrat Abu Talha Ansari RadiAllahu Anhu, ye Sahabi e Rasool the jinhone Huzoor Akram (Sallallahu Alaihi wasallam) ki Qabr Mubarak khodi.

Ref (Madarij-Un-Nubuwwah, Jild- 2, Safa No- 750)

SAWAL: Huzoor Akram (Sallallahu Alaihi Wasallam) ko Qabr me kis Jaanib se Utara Gaya?

JAWAB: Huzoor Akram (Sallallahu Alaihi Wasallam) ko Qadam Aqdas ki Jaanib se Qabr e Anwar me Dakhil kiya gaya.

Ref (Madarij-Un-Nubuwwah, Jild- 2, Safa No- 751)

SAWAL: Huzoor Akram (Sallallahu Alaihi wasallam) ki Qabr e Anwar mein kaun kaun Hazraat Utre the?

JAWAB: Huzoor Akram (Sallallahu Alaihi Wasallam) ki Qabr e Anwar mein "Hazrat Ali Murtaza" RadiAllahu Anhu, "Hazrat Abbas" RadiAllahu Anhu, "Hazrat Fuzail" RaidiAllahu Anhu aur "Hazrat Qasam Bin Abbas" RadiAllahu Anhu, ye 4 Sahabi e Rasool hain jo Hamare Aaqa (Sallallahu Alaihi Wasallam) ki Qabr e Anwar mein Dakhil huwe the.

Ref (Madarij-Un-Nubuwwah,Jild- 2, Safa No- 751)

SAWAL: Qabr e Anwar me Huzoor Akram (Sallallahu Alaihi Wasallam) ke Neeche kya bichhaya gaya aur kisne bichhaya?

JAWAB: Bahreen ki Surkh laal "MAKHMAL" ki Chadar jo Khaibar ke Roz Huzur Akram (Sallallahu Alaihi Wasallam) ko Pahunchi thi, aur Aap use Ohdhte the use Bichhaya gaya Aur Chadar ko Bichane wale Hazrat Saqran RadiAllahu Anhu the, unhone kaha, main nahi Pasand karta ke Aap (Sallallahu Alaihi Wasallam) ke Baad koi use Ohdhe.

Ref (Madarij-Un-Nubuwwah, Jild- 2, Safa No- 751)

SAWAL: Huzur Akram (Sallallahu Alaihi Wasallam) ko jab "QABR" Shareef me utara gaya to aap apni Zuban Mubarak ko Jumbish Farma rahe the, to kis Sahabi e Rasool ne Kaan laga kar suna Aur aap kya farma rahe the?

JAWAB: Hazrat Qasam Bin Abbas RadiAllahu Anhu Farmate hain, maine Qabr me dekha ke Huzur (Sallallahu Alaihi Wasallam) apne Lab Mubarak ko Jumbish Farma rahe hain, Maine apne kaan ko aap ke Dahan Mubarak ke qareeb kiya, Maine suna ke aap farma rahe the "YA RAB UMMATI UMMATI".

Ref (Madarij-Un-Nububuwwa, Jild- 2, Safa No- 751)

SAWAL: Huzoor Akram (Sallallau Alaihi wasallam) ki "QABR" e Anwar ko kin Cheezon se Banaya gaya?

JAWAB: Kachchi Eint se banayee gayi uske Baad "LAHAD" par Mitti Dali gayi aur Surkh Safed Sangreze Jamaay gaye.

Ref (Madarij-Un-Nubuwwah, Jild- 2, Safa No- 751)

SAWAL: Huzoor Akram (Sallallahu Alaihi Wasallam) ki "QABR" e Mubarak Zameen se kitni Unchi ki gayi?

JAWAB: Qabr Shareef Zameen se ek Balisht jitni Unchi ki gayi, Ek Riwayat me hai ke 4 Ungul ke Barabar Unchi ki gayi.

Ref (Madarij-Un-Nubuwwah, Jild -2, Safa No- 752)

SAWAL: Huzoor Akram (Sallallau Alaihi Wasallam) ki Qabr e Mubarak par Kitna Paani Chhidka gaya Aur kisne Chhidka?

JAWAB: *Hazrat Bilal RadiAllahu Anhu ne "Qabr" Shareef par ek Mashkeeza Paani Chhidka aur Sirhaane ki Taraf se Chhidakna Shuru kiya.

Ref (Madarij-Un-Nubuwwah, Jild- 2, Safa No- 752)